ياختي بلا دايت بلا بطيخ، انتي كده قمر.😋♥️🤩😂

 تخنتي معلش خسي بس لغاية ما تخسي حبي شكلك و البسي اللي يليق عليه اتأنتكي و متتبهدليش...

سقطتي بتحصل عيدي بس لغاية ما تنجحي متقفليش علي نفسك و تقاطعي البشر متتعقديش...

اتخانقتي و ماله براحته بكره ياخد بخاطرك بس لغاية ما يصالحك متقعديش حاطه ايدك علي خدك انزلي و غيري جو متنحيش...

فركشتي في ستين سلامه بكره تقابلي اللي يقدرك و يسعدك بس لغاية ما تقابليه انجزي في حياتك و اكبري في شغلك متقفيش...

خسرتي عادي عافري و كملي متفكريش...

وقعتي ما يقع الا الشاطر بس انت قومي متولوليش و علي حس وقعتك السودا متستموتيش...

اللي بيقع مش حيفضل مكوع تحت أكيد حيقوم ...

و اللي خسر بكره يكسب مفيش خساره عمرها تدوم ...

و اللي فشل مسيره حينجح طالما بيحاول في يوم ...

اهم حاجه اجري و املي الدنيا حركه بلاش سكون..

سمعي الدنيا ضحكتك...

سيبي في الحته اللي تعجبك بصمتك...

متفرحيش حد في كبستك...

#مروى_الشامي